"Zirə" UEFA Konfrans Liqasının II təsnifat mərhələsində cavab oyununa çıxıb.
Prosport.Az xəbər verir ki, Rəşad Sadıqovun baş məşqçisi olduğu kollektiv Slovakiyada "DAK 1904" klubu ilə üz-üzə gəlib.
Qarşılaşma Azərbaycan təmsilçisinin qələbəsi ilə bitib – 2:1. "Qartallar"ın qollarını 25-ci dəqiqədə braziliyalı Rafael Utziq, 57-ci dəqiqədə penaltidən Qismət Alıyev vurub. Meydan sahiblərindən Alexandro Mendez 40-cı dəqiqədə fərqlənib.
Bakıda rəqibini dörd cavabsız qolla üstələyən "Zirə" III təsnifat mərhələsinə vəsiqə qazanıb. Komanda bu raundda Xorvatiyanın "Osiyek" kollektivi ilə qarşılaşacaq.
Qeyd edək ki, Konfrans Liqasının III təsnifat mərhələsinin matçları avqustun 8-də və 15-də baş tutacaq.
23:11
UEFA Konfrans Liqasının II təsnifat mərhələsinin cavab oyununda "Sabah" – "Makkabi" (Hayfa, İsrail) ilə qarşılaşıb.
Prosport.Az xəbər verir ki, Masazır qəsəbəsindəki “Bank Respublika Arena”da baş tutan məhsuldar görüşün əsas vaxtı qonaq komandanın 5:2 hesablı qələbəsi ilə yekunlaşıb.
Təmsilçisim səfərdə 3:0 hesabı ilə qalib gəldiyindən, ümumi hesab bərabər olub və qalibi müəyyənləşdirmək üçün hər biri 15 dəqiqədən ibarət əlavə 2 hissə oynanılıb. Burada da tərəflər hərəyə 1 qol vuru – 3:6. Qalib tərəf bəlli olmadığından, qarşılaşmanın taleyi penaltilər seriyasında müəyyənləşib.
Penaltilər seriyasında daha dəqiq oynayan (3:2) "Sabah" Avropa Konfrans Liqasının III təsnifat mərhələsinə yüksəlib.
09:11
Bu gün Azərbaycanın daha iki təmsilçisi UEFA Konfrans Liqasının II təsnifat mərhələsində cavab oyununa çıxacaq.
Prosport.Az xəbər verir ki, "Sabah" İsrailin "Makkabi" (Hayfa) klubunu qəbul edəcək.
"Bank Respublika Arena"dakı qarşılaşma saat 20:00-da start götürəcək. Görüşün baş hakimi slovakiyalı Peter Kraloviç olacaq. Macarıstandakı ilk matçda "Sabah" rəqibini 3 cavabsız qolla üstələyib.
"Zirə" isə Slovakiyada "DAK 1904" ilə qarşılaşacaq. Oyun Bakı vaxtı ilə saat 22:30-da başlayacaq. Matçı Şimali Makedoniyadan olan Yovan Kaçevski idarə edəcək. Doğma meydandakı ilk dueldə Azərbaycan klubu 4:0 hesablı qələbəyə sevinib.
Qeyd edək ki, "Sumqayıt" II təsnifat mərhələsində mübarizəni dayandırıb. "Gənclik şəhəri" təmsilçisi 2 görüşün nəticəsinə əsasən Macarıstanın "Fehervar" klubuna məğlub olub – 1:2, 0:0.