Azərbaycanın qadınlardan ibarət 3x3 basketbol millisi Fransanın paytaxtı Parisdə keçirilən Yay Olimpiya Oyunlarında tarixi qələbə qazanıb.

Prosport.Az xəbər verir ki, yığma II turda basketbolun vətəni sayılan ABŞ-nin millisi ilə qarşılaşıb.

Görüş komandamızın 20:17 hesablı qələbəsi ilə yekunlaşıb. Bu, Olimpiadada komanda idman növlərində ilk qələbəmiz kimi tarixə düşüb.

Qeyd edək ki, seçməmiz III və IV turda, müvafiq olaraq, Fransa və Almaniya milliləri ilə qarşılaşacaq. Hər iki oyun sabah gerçəkləşəcək.