Ölkələrin UEFA reytinqində dəyişikliklər olub.

Prosport.Az xəbər verir ki, buna avrokubokların II təsnifat mərhələsinin cavab oyunlarının ilk gününün nəticələri səbəb olub.

Çempionlar Liqası və Konfrans Liqasında baş tutan matçlar Azərbaycanın mövqeyinə təsir etməyib. “Qarabağ” “Linkoln” üzərində 5:0 hesablı qələbə ilə ölkəmizə 0,250 xal qazanc gətirib.

Xal hesabı 18,000-a yüksələn Azərbaycan 24-cü sırada qərarlaşıb. Cari mövsümün qazancı 1,250-yə bərabərdir. Ölkə reytinqi üçün “Zirə” və “Qarabağ” 0,500, “Sabah” 0,250 xal əldə edib.

Qeyd edək ki, cədvələ İngiltərə başçılıq edir – 89,160 xal.