"Mənə bu etimadı göstərdikləri üçün AFFA rəhbərliyinə təşəkkür edirəm. Milli komandada işləmək hər kəs üçün şərəfdir. Azərbaycan milli komandası mənim üçün yad bir yer deyil. Bir neçə il milli komandanın formasını geyinmişəm. Son illərdə isə milli komandaların skautu kimi fəaliyyət göstərirdim. Bir sözlə, komandanın içində idim".

Bunu Prosport.Az saytına açıqlamasında futbol üzrə milli komandamıza direktor təyin olunan İlqar Qurbanov deyib.

38 yaşlı veteran təyinatından danışıb: "Dünən millimizin baş məşqçisi Fernandu Santuşla görüşümüz oldu. Onunla gələcək planları, iş prinsiplərini müzakirə etdik. Mənim işim baş məşqçi ilə sıx kontakt şəraitində olacaq. Ümid edirəm ki, bu əməkdaşlıq hər birimiz üçün uğurlu olacaq".

Qeyd edək ki, İlqar Qurbanov həm də Gənclər və İdman Nazirliyinin 5 səfirindən biridir.

Səbuhi Musa