Slovakiyanın “DAK 1904” klubunun yarımmüdafiəçisi Yan Bernat Avropa Konfrans Liqasının II təsnifat mərhələsində “Zirə”yə qarşı keçiriləcək maçtlardakı hədəfdən danışıb.

Prosport.Az xəbər verir ki, Belçikanın "Vesterlo" klubuna məxsus olan və "DAK 1904"də icarə əsasında çıxış edən futbolçu bunları deyib:

“Bizi vacib görüşlər gözləyir. İlk növbədə yaxşı oynamalıyam və qollar gələcək. “Zirə” üzərində qələbə qazanmaq və Konfrans Liqasının növbəti mərhələsinə yüksəlmək üçün komandaya mümkün qədər kömək etmək istəyirəm”.

Qeyd edək ki, komandalar arasında ilk görüş iyulun 25-i Bakıda, cavab matçı avqustun 1-də Slovakiyada baş tutacaq.