UEFA Çempionlar Liqasında I təsnifat mərhələsinin cavab oyunlarına start verilib.

Prosport.Az xəbər verir ki, “Qarabağ”ın potensial rəqibləri də cavab matçına çıxıblar. Cəbəllütariqin “Linkoln” klubu öz meydanında Maltanın “Hamrun Spartans” komandasını qəbul edib. Səfərdə rəqibinə 1:0 hesabı ilə qalib gələn "Linkoln" doğma meydanda eyni hesabla məğlub olub. Sonda qalib penaltilər seriyasında müəyyənləşib. Burada daha dəqiq oynayan (5:4) Cəbəllütariq təmsilçisi Çempionlar Liqasının II təsnifat mərhələsinə vəsiqə qazanıb.

Komanda bu raundda "Qarabağ"la qarşılaşacaq.

Qeyd edək ki, “Qarabağ” II təsnifat mərhələsində ilk matçını səfərdə, cavab görüşünü isə evdə keçirəcək. Bu raundun oyunları iyulun 23-24-də və 30-31-də olacaq.

11:43

Bu gün UEFA Çempionlar Liqasında I təsnifat mərhələsinin cavab oyunları keçiriləcək.

Prosport.Az xəbər verir ki, ilk oyun günündə 8 qarşılaşma baş tutacaq.

“Qarabağ”ın potensial rəqibləri də cavab matçına çıxacaqlar. Cəbəllütariqin “Linkoln” klubu öz meydanında Maltanın “Hamrun Spartans” komandasını qəbul edəcək. Görüş Bakı vaxtı ilə saat 20:00-da başlayacaq.

İlk matçda 1:0 hesablı qələbə qazanan “Linkoln” növbəti mərhələyə vəsiqə qazanmağa daha yaxın tərəfdir.

Qeyd edək ki, “Qarabağ” II təsnifat mərhələsində ilk matçını səfərdə, cavab görüşünü isə evdə keçirəcək. Bu raundun oyunları iyulun 23-24-də və 30-31-də olacaq.