"Neftçi"nin sabiq baş məşqçisi Miodraq Bojoviç İranın "İstiqlal" (Xuzistan) klubu ilə anlaşıb.

Prosport.Az xəbər verir ki, monteneqrolu mütəxəssisin müqaviləsinin təfərrüatları açıqlanmayıb.

"İstiqlal" ötən mövsüm İran çempionatını 14-cü yerdə tamamlayıb.

Qeyd edək ki, 56 yaşlı məşqçi 2023/2024 mövsümündə "Neftçi"ni çalışdırıb. Paytaxt klubu onun rəhbərliyi altında mövsümü 5-ci pillədə bitirib və avrokuboklardan kənarda qalıb.