Premyer Liqanın yeni mövsümünə hazırlaşan “Səbail” təlim-məşq toplanışının ikinci mərhələsi üçün Türkiyəyə yollanıb.

Prosport.Az xəbər verir ki, paytaxt klubu Ərzurumda hazırlıq keçəcək.

Baş məşqçi Şahin Diniyev qardaş ölkədə yetirmələrini 3 yoxlama görüşündə sınayacaq. “Dənizçilər” iyulun 11-də I Liqa təmsilçisi “Ərzurumspor”la, 13-də Türkiyə Superliqası komandası “Hatayspor”la qarışlaşacaq. Sonucu rəqibin kimliyi hələ bəlli deyil.

“Səbail” Ərzurum toplanışını iyulun 18-də başa vuracaq.