Bosniya və herseqovinalı futbolçu Adi Mexremiç "Səbail"i tərk edib.

Prosport.Az xəbər verir ki, bu barədə 32 yaşlı mərkəz müdafiəçisi sosial şəbəkə hesabında məlumat paylaşıb:

"Gəldiyim ilk gündən burada özümü evimdəki kimi hiss etdim. Oğlum Bakıda doğulub, ona görə də "Səbail", Bakı və Azərbaycanla hələ də sıx əlaqələrim var. Klubdakı hər kəsə, İdarə Heyətinə, məşqçilərə, həkimə, fizioloqa, komanda yoldaşlarıma, mühafizəçilərə, bütün işçilərə təşəkkür etmək istəyirəm. Onların hamısı il boyu mənə və ailəmə sevgi və dəstəklərini əsirgəməyib. Bu, vida deyil. Görüşənədək!".

Qeyd edək ki, Adi Mexremiç Türkiyənin "İstanbulspor" klubundan "Səbail"ə keçmişdi. O bəzi oyunlarda komandanı kapitan kimi də meydana çıxarıb.