Macarıstan çempionatında 2024-2025 mövsümünün püşkü atılıb.

Prosport.Az xəbər verir ki, artıq ilk turun təqvimi müəyyənləşib.

“Sumqayıt”ın Konfrans Liqasının II təsnifat mərhələsindəki rəqibi “Fehervar” OTP Bank Liqada mövsümə səfər oyunu ilə başlayacaq. Sekeşfehervar komandası 26-28 iyul aralığında “Keçkemeti”nin qonağı olacaq.

Maraqlıdır ki, “Fehervar” həmin görüşdən əvvəl – iyulun 25-də “Sumqayıt”la səfərdə üz-üzə gələcək. Bu səbəbdən “Keçkemeti” – “Fehervar” görüşünün ən yaxşı halda iyulun 28-nə təyin olunması gözlənilir.

Qeyd edək ki, “Sumqayıt”la “Fehervar” arasında Macarıstandakı cavab qarşılaşması avqustun 1-də baş tutacaq.