Baş məşqçi axtarışında olan "Neftçi"nin boş qalan posta namizədlərdən biri ilə əməkdaşlığı baş tutmayacaq.

Prosport.Az sport24.az-a istinadən xəbər verir ki, Viktor Qonçarenko ilə ortaq məxrəcə gəlmək mümkün olmayıb.

47 yaşlı mütəxəssisin irəli sürdüyü şərtlər "ağ-qaralar"ın rəhbərliyini qane etməyib. Bu üzdən 47 yaşlı mütəxəssisin Bakıya gəlişi təxirə düşüb.

Qeyd edək ki, hazırda işsiz olan Viktor Qonçarenkonun son iş yeri Rusiya Premyer Liqasında çıxış edən "Ural" olub. Belaruslu mütəxəssis bu ilin mayında Yekaterinburq təmsilçisindən ayrılıb.