Karate üzrə Azərbaycanın dünya çempionları Rafael Ağayevlə İrina Zaretskaya Ekvadorun paytaxtı Kitoda seminar keçirəcək.

Prosport.Az-ın məlumatına görə, bu seminar iyulun sonlarında baş tutacaq.

İrina Zaretskaya okeanın o tayında keçiriləcək bu seminarın necə baş tutması haqqında saytımıza müsahibəsində bildirib: 

"Bu təklif mənim və Rafael Ağayevin karateçi dostlarından gəldi. Onlar ötən ilin sentyabrında Bakıda baş tutmuş Premyer Liqa yarışına gəlmişdilər. Onlar Rafael Ağayevlə mənim seminarımı təşkil edəcəklər. Biz orada master-klass keçəcəyik, gənc nəsillə öz bildiklərimizi bölüşəcəyik".

Onu da bildirək ki, Zaretskaya sonuncu dəfə 15-16 aprel tarixində Londonda seminar keçirib. Rafael Ağayev isə əvvəllər Yaponiya, Fransa kimi ölkələrdə seminarın iştirakçısı olub.

Qeyd edək ki, İrina Zaretskayanın müsahibəsi ilə Prosport.Az saytında daha sonra tanış olmaq imkanı əldə edəcəksiniz.

Səbuhi Musa