"Sabah" Avropa Konfrans Liqasının ikinci təsnifat mərhələsində İsrail "Makkabi" klubu (Hayfa) ilə ilk oyununu səfərdə keçirəcək.

Prosport.Az xəbər verir ki, "Sabah"ın səfər görüşü İsraildə baş tutmayacaq. Qarşılaşma Macarıstanda təşkil olunacaq.

İsraildə müharibə şəraiti davam etdiyi üçün klubları avrokuboklar görüşünü neytral meydanda keçirməyə davam edir. Artıq İsrail Futbol Federasiyası ilə Macarıstan Futbol Federasiyası arasında razılıq əldə edilib. Belə ki, Hayfa "Makkabi"sindən savayı, Təl-Əviv "Makkabi"si də və Hayfa "Hapoel"i də ev matçlarını da Macarıstanda keçirəcək.

Qeyd edək ki, Avropa Konfrans Liqasında II raundun oyunları iyulun 25-də və avqustun 1-də keçiriləcək. “Sabah” ilk oyunu səfərdə, cavab görüşünü isə Bakıda keçirəcək.