“Düşünürəm ki, bizi qarşıda iki maraqlı matç gözləyir”.

Prosport.Az xəbər verir ki, bunu UEFA Avropa Liqasının püşkünə münasibət bildirən “Zirə”nin baş məşqçisi Rəşad Sadıqov deyib.

Gənc mütəxəssis I təsnifat mərhələsində qarşılaşacaqları “Şerif”in (Moldova) tanış rəqib olduğunu bildirib: “Şerif” Azərbaycan futboluna tanış rəqibdi. Avrokuboklarda 3 dəfə “Qarabağ”la qarşılaşıblar. Avropada yetərincə təcrübələri var. Qarşıdakı günlərdə rəqibi daha detallı şəkildə təhlil edəcəyik. Komandamıza güvənirəm. İnşallah bu oyunlara yaxşı hazırlaşıb, mərhələni keçən tərəf biz olarıq”.

Qeyd edək ki, komandalar arasında ilk oyun iyulun 11-də, cavab matçı isə 18-də keçiriləcək.