“Krasnodar”ın yarımmüdafiəçisi Kadi Borjesin “Qarabağ”a qayıtmaq ehtimalı gündən-günə artır.

Prosport.Az xəbər verir ki, 28 yaşlı hücumameyilli oyunçunun meneceri ilə danışıq aparılır.

Azərbaycan çempionunun braziliyalı üçün artıq “Krasnodar” rəhbərliyinə rəsmi təklif göndərdiyi də vurğulanıb. Hazırda klublar arasında keçidin detalları müzakirə edilir.

Kadi özü də “Qarabağ”a qayıtmaq arzusundadır. Futbolçu hətta Rusiya klubunun baş məşqçisi Murad Musayevə də bu barədə məlumat verib. O, danışıqların sürətli keçməsi üçün menecerinə göstəriş verib.

Qeyd edək ki, Kadi Borjes 2021-ci ilin yayından ötən ilin yanvarına qədər “Qarabağ”ın formasını geyinib. Hücumameyilli oyunçunun “Krasnodar”la müqavilə müddəti 2026-cı ilin yayına qədərdir.