Azərbaycan güləşçiləri Rusiyanın Kazan şəhərində keçiriləcək BRICS Oyunlarında iştirak edəcək.

Prosport.Az xəbər verir ki, iyunun 17-18-də sərbəst güləşçilər mübarizə aparacaq. Məşqçilər Nazim Əlicanovla Əşrəf Əliyevin rəhbərliyi altında Mahir Məmmədzadə (57 kq), Ceyhun Allahverdiyev (61 kq), Murad Haqverdiyev (65 kq), Cəbrayıl Hacıyev (74 kq), Orxan Abasov (79 kq), Səbuhi Əmiraslanov (86 kq), Şamil Zubairov (92 kq), Hacımurad Məhəmmədsəidov (97 kq) və Ayxan Mərdanov (125 kq) uğur qazanmağa çalışacaq. Məhəmməd-Bəşir Xaniyev (70 kq) zədələndiyi üçün son anda yığmanın heyətindən çıxarılıb.

Ayın 18-19-da Yasəmən Məcidli (50 kq), Elnurə Məmmədova (53 kq), Gültəkin Şirinova (55 kq) və Mərziyə Sadıqova (72 kq) qadın güləşi üzrə yarışda gücünü sınayacaq. Məşqçi Solmaz Adilova olacaq.

İyunun 19-20-də isə yunan-Roma güləşçiləri mübarizə aparacaq. Məşqçilər Elvin Mürsəliyevlə Zöhrab Abbasovun rəhbərlik etdiyi heyətdə Fərid Sadıxlı (55 kq), Vədat Qasımlı (60 kq), Ziya Babaşov (63 kq), Təvəkgül Həziyev (67 kq), Urfan Həsənli (72 kq), Kənan Abdullazadə (77 kq), Tuncay Vəzirzadə (82 kq), Məhəmməd Əhmədiyev (87 kq), Arif Niftullayev (97 kq) və Sərxan Məmmədov (130 kq) yer alıb.

Qeyd edək ki, BRICS Oyunlarında II dərəcəli beynəlxalq hakim Əli Babayev ədaləti qoruyacaq.