"Şamaxı"nın transfer etmək istədiyi ilk legionerin adına aydınlıq gəlib.

Prosport.Az-ın xəbərinə görə, bu, braziliyalı mərkəz müdafiəçisi Alan Diasdır.

Lakin məsələ budur ki, 1.91 metr boya malik 25 yaşlı futbolçu son 6 ayda rəsmi oyuna çıxmayıb. Buna səbəb Diasın 6 aydır ki, klubsuz olmasıdır. 

Qeyd edək ki, Alan Dias 2022-ci ildən legioner karyerası yaşamağa başlayıb. O, həmin ilin iyulun 1-dən Bolqarıstanda Sofiya "Lokomotiv"i ilə müqavilə bağlayıb. Lakin ötən ilin dekabrında paytaxt klubu səbəb göstərmədən onunla qarşılıqlı razılıq əsasında yolları ayırıb. Halbuki sambaçının müqaviləsi ötən mövsümün sonunda başa çatırdı.