Azərbaycan sərbəst güləşçisi Məhəmmədxan Məhəmmədov (97 kq) Macarıstanın paytaxtı Budapeştdə keçirilən reytinq turnirində gümüş medal qazanıb.

Prosport.Az xəbər verir ki, həlledici mərhələdə Əlişir Yerqaliylə (Qazaxıstan) üz-üzə gəlməli olan idmançımız səhhətində problem yarandığı üçün döşək üzərinə çıxmayıb.

Bununla da Məhəmmədxan Məhəmmədovun qazancı gümüş medal olub. Həmçinin, Əliabbas Rzazadə (57 kq) da zədələndiyi üçün bürünc medal görüşünə çıxmayıb. 

Daha titullu güləşçimiz Hacı Əliyev (65 kq) isə 3-cü yer uğrunda görüşdə meksikalı Austin Qomesə qalib gələrək turnirin bürünc mükafatına sahib çıxıb.

15:39

Azərbaycan sərbəst güləşçisi Macarıstanın paytaxtı Budapeştdə keçirilən reytinq turnirində finala yüksəlib.

Prosport.Az xəbər verir ki, Məhəmmədxan Məhəmmədov (97 kq) bu raundadək irəliləyə bilib.

Əliabbas Rzazadə (57 kq), Hacı Əliyev (65 kq) yarımfinalda məğlub olub.

Giorgi Meşvildişvili (125 kq) isə zədələndiyi üçün 1/4 finalda mübarizəni dayandırıb.

Qeyd edək ki, iyunun 9-da başa çatacaq yarışda Azərbaycanın yunan-Roma güləşçiləri də çıxış edəcək.