AFFA Region Liqasından II Liqaya yüksələn növbəti komanda bəlli olub.

Prosport.Az xəbər verir ki, 2-ci lisenziyaya Region Liqasını 2-ci pillədə başa vuran “Haypers” klubu sahib çıxıb.

Pley-off mərhələsinin cavab oyununda “Şəfa”nı 2:1 hesabı ilə məğlub edən kollektiv yeni mövsümdən II Liqada mübarizə aparacaq. Bu komandalar arasında ilk görüş də “Haypers”in qələbəsi ilə başa çatmışdı – 2:0.

"Hypers" klubunun baş məşqçisi Azərbaycanın tanınmış futbolçusu Vüqar Nadirovdur.

Qeyd edək ki, daha əvvəl Xaçmazın “Şimal” komandası Region Liqasının qalibi kimi II Liqada oynamaq hüququ qazanıb. "Şəfa"dan başqa, II Liqanın sonuncusu "Kürmük" (Qax) də Region Liqasına yuvarlanıb.