"Rəqib hücuma başlamaq istəsə də, dərhal nəzarəti ələ aldıq. Oyun istədiyimiz tempdə keçdi. Bizim də imkanlarımız oldu, amma yararlana bilmədik. 2-ci hissə boyu biz üstün tərəf idik. Rəqib oyunun sonlarına doğru müqavimət göstərdi. Son dəqiqədə qolu tapdılar". 

Prosport.Az xəbər verir ki, bunu Türkiyənin qadınlardan ibarət millisinin baş məşqçisi Necla Güngör Kıraqası deyib.

O, Türkiyə Futbol Federasiyasının saytına Avropa çempionatının seçmə mərhələsində Azərbaycan millisinə uduzduğu matçdan danışıb: "Uduzduğumuza görə təəssüflənirik. Bununla belə, biz hələ də pley-off ümidimizi qoruyuruq. Macarıstan qrup lideri İsveçrəni məğlub edib. Qrupdakı hər kəsin indi fərqli hesabı olacaq. Qarşıda İsveçrə və Macarıstanla görüşlərimiz var. Biz iyulda yaxşı toplanış keçirib, bu 2 matçın sonunda play-off hədəfimizə çatmaq istəyirik".

Qeyd edək ki, görüşdə yeganə qolu 89-cu dəqiqədə Rusiyanın "Zenit" klubunun oyunçusu Nigar Mirzəliyeva rəqib qapısından keçirib.