Qadın futbolçulardan ibarət millimiz Avropa çempionatının seçmə mərhələsində ilk qələbəsini qazanıb.

Prosport.Az xəbər verir ki, Siyasət Əsgərovun baş məşqçisi olduğu yığmamız B Liqasının 1-ci qrupunda Türkiyə kollektivini qəbul edib.

Qarşılaşma yığmamızın 1:0 hesablı qələbəsi ilə başa çatıb. Yeganə qolu 89-cu dəqiqədə Nigar Mirzəyeva başla rəqib qapısından keçirib.

Azərbaycan millisi bu qələbə sayəsində qrupda xallarının sayını 4-ə yüksəldib. Ancaq Macarıstan da qrup lideri İsveçrəyə 1:0 qalib gəldiyindən, komandamız yenə sonuncudur.

Qeyd edək ki, komandamız mayın 31-də "ay-ulduzlar"a 0:1 hesabı ilə məğlub olmuşdu.

10:57

Qadın futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirəcək.

Prosport.Az xəbər verir ki, Siyasət Əsgərovun baş məşqçisi olduğu yığma B Liqasının 1-ci qrupunda Türkiyə kollektivini qəbul edəcək.

“Liv Bona Dea Arena”da keçiriləcək qarşılaşma saat 19:00-da başlayacaq.

Komandamız mayın 31-də bu rəqibə minimal hesabla uduzub – 0:1.

Millimiz 3 turdan sonra 1 xalla qrupda sonuncudur. Qardaş ölkə təmsilçisi isə 6 xalla 2-cidir.

Qeyd edək ki, AVRO-2025-in final mərhələsi İsveçrədə baş tutacaq.