Türkiyə mətbuatı "Qarabağ"ın yarımmüdafiəçisi Leandro Andradenin "Fənərbağça"ya keçmək ehtimalından yazıb.

Prosport.Az xəbər verir ki, İstanbul klubunun prezidenti Ali Koç başa çatan mövsümdə cinahlarda problem yaşadıqlarını və həmin mövqeyə yeni transferlər edəcəklərini söyləyib.

Türkiyəli həmkarlarımız Leandronun transferinin reallığa yaxın olmasını qeyd ediblər: "Son zamanlar mətbuatda İrfan Can Kahveci və Duşan Tadiç cütünü əvəzləyəcəyi iddia olunan Leandro Andrade ilə Allan Sen-Maksimenin adları hallanır. “Qarabağ”da hücumun cinahında çıxış edən Leandro Andrade bu mövsüm 36 matçda 11 qol vurub, 14 məhsuldar ötürmə edib. 2022-ci ildə Bolqarıstanın "Çerno More" klubundan Azərbaycan təmsilçisinə keçən Andrade bu il müqaviləsini uzadıb. Leandro Portuqaliyada heç vaxt yüksək liqalarda oynamayıb. Bununla belə, Andrade və Sen-Maksimen "Fənərbağça"da yeni mövsüm üçün İrfan Can və Tadiçi əvəzləyə bilər. Bu transferin nə dərəcədə uğurlu olacağı ilə bağlı ciddi suallar var".

Qeyd edək ki, Leandro Andradenin "Qarabağ"la 2027-ci il iyunun 30-na qədər müqaviləsi var.