Türkiyə Super Liqasında 2023/2024-cü il mövsümünü 7-ci pillədə başa vuran "Sivasspor" "Qarabağ"ın futbolçusuna elçi düşüb.

Prosport.Az xəbər verir ki, bu barədə "yiğidolar"ın baş məşqçisi Bülənt Uyqun açıqlama verib.

"CBC Sport"da yayımlanan "Türkiyədən futbol" verilişinə telefonla bağlanan təcrübəli mütəxəssis maraqlı açıqlamalarla yadda qalıb. Ən maraqlısı isə Bülənt Uyqunun "Qarabağ"ın futbolçusu Toral Bayramovla bağlı səsləndirdiyi fikirlərdir: 

"Mənə görə, Bayramov həqiqətən çox keyfiyyətli, texniki göstəriciləri yüksək olan, xüsusən cəldliyi ilə seçilən və Avropanın hər bir klubunda oynaya biləcək futbolçudur. Müdafiəçi olsa da, irəli xətdə də oynaya bilir. Bizim transfer siyahımızda da yer alır. Rəhbərliyə bu barədə məlumat vermişəm. İnşallah, klub rəhbərlikləri transfer məbləğində razılaşarsa, komandamda onu görmək istəyərəm. Bu da mənə böyük xoşbəxtlik verər".

Qeyd edək ki, daha öncə millimizin sabiq futbolçuları – İlqar Qurbanov və Cahan Özqara "Sivasspor"da çıxış edib.