"Qəbələ” 6 futbolçu ilə yollarını ayırıb.

Prosport.Az xəbər verir ki, müdafiəçi Lukas Afriku, yarımmüdafiəçilər – Ahmed Ayzaya, Əyyub Allaş, Klesiu Bauk, Yaovi Akakpo və hücumçu Usama Xalayla ilə 2023/2024-cü illər mövsümünün sonunda başa çatan müqavilələr uzadılmayıb.

2020-ci ildən “qırmızı-qara” formada çıxış edən toqolu Y. Akakpo 30 oyunda 3 qol vurub. Ötən il “Qəbələ”yə keçən Mərakeş əsilli belçikalı Ə. Allaşın hesabında 56 görüşdə 10 top var.

Ötən yay “Qəbələ”yə qoşulan ərəb əsilli israilli U. Xalayla 40 (10 qol), braziliyalı L. Afriku 35 (1 qol), nigeriyalı A. Ayzaya 26 (1 qol) matçda forma geyinib. Bu qış “qırmızı-qaralar”ın heyətinə qayıdan mozambikli K. Bauk isə 13 qarşılaşmada 1 qola sevinib.