Azərbaycanın daha 3 sərbəst güləşçisi Bakıda keçirilən U-23 Avropa çempionatında medal qazanıb.

Prosport.Az-ın məlumatına görə, Cəbrayıl Hacıyev (74 kq) qızıl, Nurəddin Novruzovla (61 kq) Arseni Cioyev bürünc mükafata sahib çıxıb.

Qeyd edək ki, sərbəst güləşçilərimizdən Kənan Heybətov (70 kq) və Əli Sokayev (79 kq) ötən gün gümüş medalla kifayətlənib. Daha əvvəl 3 qızıl, 1 gümüş və 4 bürünc medal qazanan yunan-Roma güləşi üzrə Azərbaycan millisi U-23 Avropa çempionatının qalibi olub. Bir dəst (1 qızıl, 1 gümüş, 1 bürünc) medal əldə edən qadınlardan ibarət yığma isə 76 xal toplayaraq ilk dəfə komanda hesabında 3-cü yeri tutub.