Azərbaycanın 2 sərbəst güləşçisi Bakı İdman Sarayında keçirilən U-23 Avropa çempionatında finala yüksəlib.

Prosport.Az xəbər verir ki, Kənan Heybətov (70 kq) və Əli Sokayev (79 kq) həlledici mərhələyə vəsiqə qazanıb.

Elman Ağayev (57 kq), Musa Ağayev (65 kq) və Rəvan Musayev (97 kq) isə əvvəlki mərhələlərdə uduzub.

Bu gün həmçinin qadın güləşçilərdən Elnurə Məmmədova (53 kq) və Jalə Əliyeva (57 kq) final görüşünə çıxacaq. Mərziyyə Sadıqova (72 kq) isə bürünc medal uğrunda mübarizə aparacaq.

Qeyd edək ki, əvvəlki 4 gündə Azərbaycan millisinin üzvləri 9 medal qazanıb. Yunan-Roma üzrə güləşçilər – Ziya Babaşov (63 kq), Xasay Həsənli (77 kq) və Qurban Qurbanov (82 kq) çempion olub. Nihad Quluzadə (60) gümüş, Ruslan Nurullayev (72 kq), Rəşad Məmmədov (55 kq), Laçın Vəliyev (87 kq), Murad Əhmədiyev (97) və Ruzanna Məmmədova (59 kq) bürünc medala yiyələnib.