"Qarabağ"ın qapıçısı Andrey Lunyov meneceri Anton Smirnovla yolları ayırıb.

Prosport.Az xəbər verir ki, bu barədə Smirnov "RB Sport"a açıqlamasında bildirib. 

Menecer Lunyovun onunla əməkdaşlığı dayandırmasını səsli mesaj vasitəsi ilə bildirdiyinə görə incidiyini söyləyib: "Lunyov mənə əməkdaşlığımızın dayandırılması ilə bağlı səsli mesaj göndərdi. Onun belə qərar verməyi mənim üçün təəccüblü deyil. Yolları ayırmağın vaxtı çoxdan çatmışdı. Andreyin qərarına hörmətlə yanaşıram. 

Lunyov "Qarabağ"a transfer olunarkən əvvəlcə klub 1 ildən artıq müddətə müqavilə imzalamaq istəmirdi. Onlar gələcəkdə Lunyova arxalana bilib-bilməyəcəklərini anlamaq istəyirdilər. Düşünürdülər ki, o, ili normal keçirsə, müqavilənin müddətini uzatmaq olar. Müqavilənin maddi tərəfi isə acınacaqlı idi: illik 200 min avro. Sonda bildirildi ki, əgər hər şey qaydasına düşsə, dekabrda şərtlərə yenidən baxılacaq və təkmilləşdirilmiş şərtlərlə müqavilənin uzadılması təklif olunacaq".

Smirnov Lunyovla 3,5 illik əməkdaşlığından 3 milyon rubl (təqribən 56 min manat) qazandığını söyləyib: "3 ildən artıq əməkdaşlıq haqqında deyiləsi çox şey var. Hətta düşünürəm ki, bu haqda kitab yaza bilərəm. Bu arada Andreyə açıq şəkildə demək istədiyim yeganə şey budur: Səsli mesajdan bir az daha çox şeyə layiq idim. Qazanca gəldikdə isə, 3,5 il müddətində təxminən 3 milyon rubl qazanmışam. Ancaq "Zenit" azarkeşləri məni hələ də "qəssab" adlandırır. Lunyov Zenit"də qalsaydı, mən daha çox qazanacaqdım".

Qeyd edək ki, rusiyalı qolkiper ötən ilin yayından "Qarabağ"ın futbolçusudur. Tərəflərin müqaviləsi cari mövsümün sonuna qədər nəzərdə tutulub. Onun "Qarabağ"la yeni müqaviləyə artıq razılıq verdiyi bildirilir.