Azərbaycanın 2 qadın güləşçisi Bakıda keçirilən U-23 Avropa çempionatında finala yüksəlib.

Prosport.Az xəbər verir ki, Jalə Əliyeva (57 kq) və Elnurə Məmmədova (53 kq) həlledici qarşılaşmaya vəsiqə qazanıb.

Nigar Mirzəzadə (65 kq) və Mərziyyə Sadıqova (72 kq) əvvəlki mərhələdə uduzub.

Bu gün Ruzanna Məmmədova (59 kq) bürünc medal uğrunda görüşdə qüvvəsini sınayacaq. Şəhanə Nəzərova (50 kq) isə təsəlliverici dueldə məğlub olub.

Qeyd edək ki, əvvəlki 3 gündə yunan-Roma güləşi üzrə millimizin üzvləri 8 medal qazanıb. Ziya Babaşov (63 kq), Xasay Həsənli (77 kq) və Qurban Qurbanov (82 kq) çempion olub. Nihad Quluzadə (60) gümüş, Ruslan Nurullayev (72 kq), Rəşad Məmmədov (55 kq), Laçın Vəliyev (87 kq) və Murad Əhmədiyev (97) isə bürünc medala yiyələnib. Bu nəticə ilə Azərbaycan yunan-Roma güləşi üzrə ilk dəfə Avropa çempionu olub.