“Qarabağ”ın 9 və 14 yaşadək futbolçulardan ibarət komandası Türkiyənin Antalya şəhərində təşkil olunan "Junior World Cup 2024” turnirində 5-ci olub. 

Prosport.Az xəbər verir ki, Asif Əlizadənin baş məşqçisi olduğu U-14 beynəlxalq turnirin B qrupunda çıxış edən “Dikilitaş”a (Türkiyə) 8:0 (Daniil Rəcəbov – 3, Yunis İsmayılov – 2, Məhəmməd Məmmədov, Xalid Huşənov, Əhəd  Hacızadə), “Özərspor”a (Türkiyə) 2:0 (Daniil Rəcəbov – 2) hesabı ilə qalib gəlib. Qazaxıstan təmsilçisi "Oyna" ilə qolsuz heç-heçədən sonra qrupda 1-ci olan komandamız 1/4 finalda “Hatay Altıngənçliy”ə (Türkiyə) 1:3 (Murad İsmayılov) hesabı ilə uduzub. “Qarabağ” 5-ci yer uğrunda oyunda yenidən “Özərspor”u 3:2 (Cavidan Əlizadə – 2, Arda Əzizli) məğlub edib. Turnirin qalibi isə "Sabah"ın U-14 komandası olub.

U-9 qrup mərhələsində “Kəntyıldız”a (Türkiyə) 1:2 (Abdullah İsgəndərli) hesabı ilə uduzduqdan sonra “Karagümrüy”ə (Türkiyə) 1:0 (Lyuk Vilyam Reç) və Antalya karmasına (Türkiyə) 2:0 (Nihat Şükürov, Rəfael Kərim) hesabı ilə qalib gəlib. A qrupunun son turunda “Torbalıgücü”nə (Türkiyə) 2:5 (Abdullah İsgəndərli, Yavuz Elma) hesabı ilə uduzan komandamız 5-8-ci yerlər üçün mübarizə aparmalı olub. “Gönyeli”ni (Türkiyə) 4:0 (Lyuk Vilyam Reç – 2, Abdullah İsgəndərli, Rəfael Kərim), “Göktürksaray”ı (Türkiyə) 4:1 (Lyuk Vilyam Reç, Yavuz Elma, Nihat Şükürov, Rəfael Kərim) hesabı ilə məğlub edən “Qarabağ” 5-ci yeri tutub.