Futbol üzrə II Liqada XXVI turun “Şəfa” – “Baku Sportinq” (0:4) görüşündən sonra keçirilən mükafatlandırma mərasimində turnirin qalibi “Baku Sportinq” komandasına qızıl medallar və çempionluq kuboku təqdim edilib.

Prosport.Az xəbər verir ki, bundan əvvəl "Şahdağ Qusar" komandasında 32 qol vuraraq bombardir olan Tural Qürbətov xüsusi mükafatla təltif olunub. Daha sonra "Şahdağ Qusar"a bürünc, son turda "Füzuli"yə 2:1 qalib gəlməklə 2-ci yeri tutan "Cəbrayıl"a gümüş və 1 əvvəl çempionluğu təmin etmiş "Baku Sportinq"ə qızıl medallar təqdim olunub.

Medalları Peşəkar Futbol Liqasının prezidenti vəzifəsini müvəqqəti icra edən Elgiz Abbasov və prezidentin idman işləri üzrə müşaviri Məlik Həsənov təqdim edib. Ardınca “Baku Sportinq” komandası çempionluq kubokunu başı üzərinə qaldırıb.

Qeyd edək ki, “Baku Sportinq” komandası II Liqada 1-ci yeri tutaraq I Liqaya vəsiqə qazanıb. "Cəbrayıl" isə I Liqanın 9-cusu "Difai Ağsu" ilə 28 may və 4 iyun tarixlərində pley-off matçları keçirəcək. 2 oyunun yekununda üstün tərəf növbəti mövsüm I Liqada mübarizə aparacaq.