Qazaxıstan millisinin bombardiri Baxtiyar Zaynutdinov Azərbaycanla yoldaşlıq oyununu buraxa bilər.

Prosport.Az xəbər verir ki, yığmanın baş məşqçisi Maqomed Adiyev iyundakı matçlarda “Beşiktaş”ın yarımmüdafiəçisinə istirahət vermək niyyətindədir.

Qazaxıstan millisinin bombardiri zədə üzündən Türkiyə klubunun bir neçə matçını buraxdıqdan sonra meydanlara yeni qayıdıb. Baş məşqçi də bu səbəbdən onu qorumaq üçün yükləməməklə bağlı ilkin qərarını verib.

Qeyd edək ki, Azərbaycan və Qazaxıstan milliləri iyunun 11-də Macarıstanda qarşılaşacaq.