Azərbaycanın MMA döyüşçüsü Nəriman Abbasov bu gün növbəti görüşünə çıxacaq.

Prosport.Az xəbər verir ki, o, “Naiza Fighting Championship” və “AMC Fight Nights”ın çempionluq kəməri uğrunda görüşündə qüvvəsini sınayacaq.

Yüngül çəkidə mübarizə aparan N.Abbasov Almatıda keçiriləcək döyüşdə Qazaxıstan təmsilçisi Fanil Rafikovla üz-üzə gələcək. Döyüş beş raunddan ibarət olacaq.

Qeyd edək ki, peşəkar karyerasında 33 döyüş keçirən Nəriman Abbasov 28 qələbə qazanıb. Fanil Rafikov isə 28 qarşılaşmada 22 dəfə qalib gəlib.