Yunanıstanın Lutraki şəhərində keçirilən 15 yaşadək güləşçilərin (U-15) Avropa çempionatında 5 idmançımız finala çıxıb.

Prosport.Az xəbər verir ki, Xudayar Kərimov (38 kq), Əbdülrəhman Hüseynli, Qurban Məcnunov (hər ikisi 41 kq), Amin Əsgərli (48 kq) və Məhəmməd Orucov (85 kq) bu gün final görüşünə çıxacaq.

Qeyd edək ki, 2 gün əvvəl U-15 sərbəst güləş millimiz 8 medal (1-3-4) qazanaraq tarixində ilk dəfə Avropa çempionu olub. Qız U-15 yığmamız isə medalsız qalıb.