Tailandın paytaxtı Banqkokda FIFA-nın 74-cü Konqresi keçirilir.

Prosport.Az milli assosiasiyanın rəsmi saytına istinadən xəbər verir ki, tədbirdə AFFA-nın prezidenti Rövşən Nəcəf və icraçı vitse-prezident Sərxan Hacıyev iştirak edirlər.

Konqresdən öncə UEFA-nın prezidenti Aleksander Çeferinlə R.Nəcəf arasında görüş baş tutub.

Görüşdə UEFA və AFFA arasında qarşılıqlı əməkdaşlıq məsələləri müzakirə olunub, Avropa futbol qurumunun dəstəyi ilə ölkəmizdə həyata keçirilmiş layihələr barədə fikir mübadiləsi aparılıb.

Tərəflər səmərəli və faydalı əməkdaşlığın gələcəkdə də davam etdiriləcəyinə əminliyini ifadə ediblər.