İtaliyanın Lonato del Qarda şəhərində keçiriləcək stend atıcılığı üzrə Avropa kubokunda iştirak edəcək Azərbaycan millisinin heyəti bəlli olub.

Prosport.Az xəbər verir ki, yığmamız yarışda 14 snayperlə təmsil olunacaq.

Səngər stendi (trap) üzrə yarışda Aydan Camalova, Aylin Quliyeva, Əli Hüseynli, Nərmin Cəfərova, Ülviyyə Eyvazova, Sabir Mehdizadə, Kamil Mədətov, Murtaza Novruzlu və Əlimirzə Quliyev mübarizə aparacaq. Niyaz Ağazadə, Fuad Qurbanov, Emin Cəfərov, Nurlana Cəfərova və Regina Meftahətdinova skitdə hədəfi dəqiq nişan almağa çalışacaqlar.

Qeyd edək ki, mayın 27-dək davam edəcək yarışda Paris-2024-ə 4 lisenziyanın sahibi bəlli olacaq. Fərdi yarışlarda hər növdə bir idmançı Fransa paytaxtına bilet qazanacaq.