Bakıda Cüdo Federasiyasının Təlim-Məşq Mərkəzində şəhid İlham Kazımovun xatirəsinə həsr edilən vətənpərvərlik futbol turniri keçiriləcək.

Prosport.Az xəbər verir ki, turnirdə 12 yaşlılardan ibarət komandalar mübarizə aparacaq.

Sabah start götürəcək turnirdə "Zirvə", "Fənər Bakı", "Qarabağ", "Yanq Pro", "Liman" və "Ulduz" komandaları iştirak edəcək.

Turnir 17 may tarixinə qədər davam edəcək.

Qeyd edək ki, turnir "Bebeto" və "Şam Fi" şirkətlərinin və "Ulduz" Futbol Akademiyasının dəstəyi ilə baş tutacaq.