"İmişli" Futbol Klubunun İdarə Heyətinin sədri Dr. Kamran Eyyubov aprelin sonunda Argentinada işgüzar səfərdə olub.

Prosport.Az xəbər verir ki, o ilk olaraq Argentina Futbol Assosiasiyasının uşaq futbolu üzrə departament rəhbəri ilə görüş keçirib.

K,Eyyubov daha sonra "Boka Xunyors", "River Pleyt", "Rasinq", "Arxentina Xunyors" kimi böyük klubların düşərgəsinə baş çəkərək, ordakı şəraitlərlə tanış olub. Ümumi strategiyalar və tərəfdaşlıq, oyunçuların transferi, uşaq futbolunun inkişafı və s. üzrə əməkdaşlıq imkanları ətrafında müzakirələr aparılıb. Argentina klublarının təcrübəsindən yararlanmaq məsələləri üzrə dəyərli fikirlər irəli sürülüb.

Sonda adı çəkilən komandaların İdarə Heyəti üzvlərinə Kamran Eyyubov tərəfindən "İmişli" FK-nın oyun formaları, həmçinin bayraq və şərfləri təqdim edilib. Klubun İdarə Heyətinin sədri daha sonra Azərbaycan Respublikasının Argentina Respublikasındakı Fövqəladə və Səlahiyyətli Səfiri Rəmzi Teymurovla "İmişli" FK-nın əməkdaşlıq perspektivlərini müzakirə edib.