Azərbaycan Premyer Liqasında XXXIV tura start verilib.

Prosport.Az xəbər verir ki, ilk oyun günündə "Neftçi" və "Kəpəz" kollektivləri üz-üzə gəliblər.

"Neftçi Arena"da baş tutan matçda meydan sahibləri 5:1 hesabı ilə qələbə qazanıb. Hesabı 36-cı dəqiqədə qonaqlardan Latir Fal açıb. Fasiləyə bir dəqiqə qalmış Andre Şinyaşiki, 45 + 2-ci dəqiqədə isə Brayan Morenonun qolları paytaxt təmsilçisini hesabda önə çıxarıb. 47 və 76-cı dəqiqələrdə daha iki dəfə fərqlənən Şinyaşiki het-trik edib. Görüşdə yekun hesabı isə 86-cı dəqiqədə "sarı-göylər"in qapısına yol tapan Ağadadaş Salyanski müəyyənləşdirib.

Bu nəticənin ardından Miodraq Bojoviçin komandası xallarının sayını 53-ə çatdıraraq 2-ci sıraya yüksəlib. Gəncə klubu isə 35 xalla 8-ci pillədə qalıb.

Qeyd edək ki, turun digər oyunları mayın 11-12-də baş tutacaq.