Rumıniya "Styaua" klubunun futbolçusu Aleksandru Belutse karyerasını “Qarabağ”da davam etdirmək imkanından danışıb.

Prosport.Az xəbər verir ki, rumıniyalı vinger “fanatik.ro” portalına açıqlamasında özü ilə bağlı çıxan xəbərlərə münasibət bildirib:

"Keçən yay “Universitatya Krayova” ilə danışıqları davam etdirdim. Amma xaricdən də təklif gözləyirdim. “Vidzev” mənimlə əlaqə saxladı. Sonra “Qarabağ”dan mesajlar gəldi, amma sonda heç nə alınmadı”.

30 yaşlı yarımmüdafiəçi 2023-cü il iyul ayından Rumıniya nəhənginin formasını geyinir. O, 2025-ci il iyunun 30-na qədər hazırkı komandasına məxsusdur. Rumıniya millisinin üzvü “Çindiya”, “Vitorul”, “Universitatya Krayova”, “Slaviya” (Praqa), “Slovan” (Liberets) və “Puşkaş Akademiya” komandalarında da oynayıb.