Azərbaycan Premyer Liqasında XXXIII tura start verilib.

Prosport.Az xəbər verir ki, turun ilk oyunu Tovuz şəhər stadionunda baş tutub.

“Kəpəz” “Sumqayıt”ı qəbul edib. İnqilab Məmmədovun idarə etdiyi qarşılaşmada qalib müəyyənləşməyib - 1:1. Qonaqların heyətində 80-ci dəqiqədə Cordan Rezabala fərqlənib. Gəncə təmsilçisinin bərabərlik qolunu isə 90+5-ci dəqiqədə Elçin Əlicanov vurub. Gəncə təmsilçisinin heyətində Olavale Onanuqa və Martins Junior qırmızı vərəqə ilə meydandan qovulublar.

“Sumqayıt” 51 xalla turnir cədvəlinin ikinci pilləsində qərarlaşıb. Səkkizinci olan “Kəpəz”in hesabında 35 xal var.

Bu gün, saat 19:30-da turun mərkəzi qarşılaşması sayılan “Qarabağ” - “Neftçi” matçı başlayacaq.

Qeyd edək ki, turun digər oyunları mayın 5-i və 6-da keçiriləcək.