Azərbaycan idmançısı Məhəmməd Süleymanov Bolqarıstanın Plovdiv şəhərində savatın assault və kombat növü üzrə keçirilən beynəlxalq turnirdə qızıl medal qazanıb.

Prosport.Az xəbər verir ki, gənclər arasında 80 kq çəki dərəcəsində çıxış edən idmançı bütün rəqiblərinə qalib gələrək fəxri kürsünün ən yüksək pilləsinə qalxıb.

Böyüklər arasında qadınların mübarizəsində isə 52 kq-da Tutu İsmayılova 1/8 final mərhələsində Bolqarıstan təmsilçisi ilə üz-üzə gəlib. Yığma üzvü görüşdən üstünlüklə ayrılsa da, ardınca belçikalı rəqibi ilə qarşılaşma zamanı aldığı zədə səbəbindən turnirlə erkən vidalaşıb.

Bununla da milli komanda yarışı 1 qızıl medalla başa vurub.

Qeyd edək ki, 16 ölkənin iştirak etdiyi turnirdə ümumilikdə 150-dən çox idmançı mübarizə aparıb.