16 yaşadək futbolçulardan ibarət Azərbaycan yığmasının məşqçisi Aleksandr Qross Belarusun Minsk şəhərində təşkil olunan İnkişaf turnirinin 2-ci oyununda Özbəkistana məğlubiyyəti (0:2) şərh edib.

Prosport.Az xəbər verir ki, Belarus Futbol Federasiyasının rəsmi saytına açıqlama verən Aleksandr Qross bunları deyib:

"İlk hissədə yaxşı oynadıq. Standart vəziyyətdən qol buraxdıq, daha sonra oyunu bərabərləşdirdik və bəlkə də rəqibdən üstün oynamağa başladıq. Hesabı bərabərləşdirmək üçün şanslar var idi, lakin istifadə edə bilmədik. Rəqib 2-ci qol üçün oynadı. Növbəti oyuna hazırlaşacağıq. Tacikistan yığması? Bildiyimizə görə, onlarla son oyunumuzdan sonra orada baş məşqçi dəyişdi. Ola bilsin ki, onların oyuna yeni baxışı var".