"Azərbaycan şahmatçısı Şəhriyar Məmmədyarov Norveçin Stavanqer şəhərində təşkil olunan "Norway Chess" turnirində əvvəl Fransadan, sonra isə hindistanlı rəqibinə uduzub. Ermənistan şahmatçısına uduza bilsəydik, Azərbaycan Şahmat Federasiyası "rahat" olardı".

Prosport.Az xəbər verir ki, bunu hərbi ekspert Ədalet Verdiyev "Facebook" səhifəsində Azərbaycan Şahmat Federasiyasının fəaliyyəti haqda deyib.

O bildirib ki, Azərbaycan Şahmat Federasiyasının fəaliyyəti görünmür: "Vaxtilə şahmatda tarix yazan Azərbaycan şahmatı hazırda tənəzzül dövrünü yaşayır. Şəhriyar böyük ustaddır, amma yaş özünü göstərir. Amma onun davamçısı yoxdur. Ən pisi isə odur ki, dövlətin böyük vəsaitlər ayırmasına baxmayaraq, Azərbaycanı ilk pillədə təmsil edəcək yeni şahmat ulduzları da yetişdirə bilmirik. Uşaq və gənc şahmatçıların iştirak etməli olduqları yarışlara ayrılan vəsaitlərin yoxlanılması vacibdir.

Azərbaycan Şahmat Federasiyası isə bu problemlər barədə ağzına su alıb susur. Bir gün havaya sovrulan milyonların hesabı hamınızdan soruşulacaq. Şübhəm yoxdur ki, DTX-nı qarşılamaq Azərbaycan Şahmat Federasiyasının və digər cavabdeh qurumların da qisməti olacaq".