“Neftçi”nin idman direktoru Yens Andersonun iştirakı ilə mətbuat konfransı təşkil olunacaq.

Prosport.Az xəbər verir ki, aprelin 19-u, saat 12:00-da “Neftçi Arena”da keçiriləcək tədbirdə isveçli klub rəsmisi jurnalistlərin suallarını cavablandıracaq.

Avropanın təcrübəli, tanınmış futbol funksionerlərindən olan Yens Anderson İsveçin AIK (2010-2013, 2014, 2018-2020), Xorvatiyanın “Xayduk” (2013), Danimarkanın “Orhus” (2014-2016) kimi klublarında və İsveç millisində (2022-2023) idman direktoru vəzifəsində çalışıb. Bir müddət İsveçin bütün yaş qrupu üzrə milli komandalarında, həmçinin uğurlu çıxış edən qadınlardan ibarət milli komandada keçirilən islahatlarda böyük pay sahibi olub. Ötən ilin sentyabrından “Neftçi”nin idman direktorudur.