"Deyiləcək çox şey yoxdur. Oyunçular xarakter göstərməli idi, amma göstərmədilər. Sonradan meydana daxil olanlar oyunu gücləndirə bilmədi. 2-ci qol kuryoz oldu. 1 oyunçu 4 nəfəri aldadıb keçir. Gənc oyunçu Şahin Şahniyarov bu gün özünü yaxşı tərəfdən göstərdi. Ona uğurar arazulayıram".

Prosport.Az-ın xəbərinə görə, bunu "Qəbələ"nin baş məşqçisi Kaxaber Sxadadze deyib. O, Azərbaycan Premyer Liqasının XXX turunun "Turan Tovuz"la (1:2) oyunundan sonra jurnalistlərin suallarını cavablandırıb.

– Siz I Liqanı izləyirsiniz?
– Hələ ki yox.

– Deyilənə görə, I Liqanın 3-cüsü ilə Premyer Liqanın sonuncusu qarşılaşacaq. Komandanın I Liqa klubuna qalib gəlmək potensialı var?
– Açığı, bu barədə məlumatım yoxdur. Dəqiq olan bir şey yoxdur.

– Uşaq səhvlərinin olmasını deməyiniz sizə elə gəlmir ki, futbolçulara mənfi təsir edir?
– Onlarda mənfi fikir yaranması ilə razı deyiləm. Həmişə onlarla müzakirələr aparırıq. Hər şeyin insanın üzünə deyilməsinin tərəfdarıyam. Kimsə pis məşqçi olduğumu desə, əsəbləşəcəyəm, ona yaxşı məşqçi olduğumu sübut edəcəyəm. Oyunçular da yaxşı olduqlarını sübut etməlidir. Xarakter göstərmək lazımdır. Zəif adamlar tez ruhdan düşür. Onların hər birinə inanıram. Bu gün gənc futbolçunu meydana buraxdıq. Sanki 20 ildir ki, bu komandada oynayır. Özünü çox yaxşı göstərdi.

– Penalti gözlədiyiniz epizodlar oldu. Həmin epizodlar haqda fikrimiz necədir?
– Hakimlər haqda danışmayacam. Çünki, mənası yoxdur. Biz də penalti olduğunu gözləyirdik.

Səbuhi Musa