"Əlbəttə. bilirdik ki, çətin olacaq. "Qəbələ" yeni baş məşqçinin gəlişindən sonra aqressiv idi, qalib gəlmək istəyirdilər. Biz də Qəbələdə əvvəl bu komandaya və "Kəpəz"ə uduzmuşduq deyə, 3 xal qazanmaq niyyətində idik. İlk dəqiqədə qolu vursaydıq, matç daha fərqli ola bilərdi. Fasilədən sonra dəyişiklik etdik. Sevinirəm ki, matçı çevirə bildik".

Prosport.Az-ın xəbərinə görə, bunu "Turan Tovuz"un baş məşqçisi Ayxan Abbasov deyib.

O, Azərbaycan Premyer Liqasının XXX turunda "Qəbələ" üzərində 2:1 hesablı qələbəni şərh edib. O daha sonra "Sumqayıt"la oyunun çətin keçəcəyini bildirib:

"Sumqayıt"la oyunda Xəyal Nəcəfov oyunu buraxacaq. Bu gün dayaq yarımmüdafiəçisi olmadan oynayırdıq. Nəsə dəyişiklik edə bilərik. Əlimizdə yaxşı hücumçular var. Buna çox sevinirəm. Məşqlərdə tətbiq etdiklərimizi bu gün reallaşdıra bildik. "Sumqayıt"ın özünəməxsus oyun üslubu var. Çətin olacaq. Evdə oynamağın üstünlüyündən istifadə etməyə çalışacağıq. Bu komanda fərqli oyun üslubuna malik komandadır. Çətin oyun olacaq".

O, komandanın vuran ayağı Aleks Souzanın mümkün gedişatı barədə danışıb: "Bizimlə 3 illik müqaviləsi var. İstedadlı futbolçudur. Hələ bir az da artıra bilər. Aleks özünü tovuzlu kimi aparır. Bunu ilk matçdaca demişəm".

Ayxan Abbasov qaçırılan penalti barədə bunu deyib: "Açıĝı, Fərid Nəbiyev zərbəni o qədər də yaxşı vurmamışdı. Ancaq qapıçının qurtarışı da vurĝulanmalıdır. Kristof Atanqana çempionatda ən yaxşı qurtarışlar edən qapıçılardan biridir".

Səbuhi Musa