“Rusiya Premyer Liqasının (RPL) istənilən klubu ilə asanlıqla oynaya bilərik”.

Prosport.Az xəbər verir ki, bunu “Qarabağ”ın rusiyalı qapıçısı Andrey Lunyov “İzvestiya” nəşrinə müsahibəsində deyib.

32 yaşlı qolkiper Ağdam təmsilçisinin Rusiyada ölkənin ən yaxşı komandaları ilə rəqabət apara biləcəyini söyləyib: “Qarabağ” RPL-də nə dərəcədə rəqabətədavamlı olar? Uzaqdan müqayisə etmək çətindir. Amma bu mövsüm ən yaxşı oyunlarımızı, UEFA Avropa Liqasındakı pley-off matçlarını götürsək, düşünürəm ki, Rusiyada istənilən klubla asanlıqla oynaya bilərik. Nəticənin nə olacağı artıq başqa sualdır. Amma mütləq üst pillələr üçün mübarizə aparardıq. Oynadığımız futbola baxsanız, bunu bacara biləcəyimizi anlayacaqsınız”.

Qeyd edək ki, “Qarabağ”da ilk mövsümünü keçirən Andrey Lunyov komanda ilə Azərbaycan çempionu olub.