"Araz-Naxçıvan" rəsmən baş məşqçisi Azər Bağırovla yollar ayrılıb.

Prosport.Az xəbər verir ki, baş məşqçi ilə müqaviləyə qarşılıqlı razılaşma əsasında xitam verilib.

Azər Bağırovun xələfinin kimliyinə isə artıq sabah aydınlıq gələcək. Muxtar Respublika təmsilçisinin yeni çalışdırıcısı olmağa 4 mütəxəssis var ki, bunlar Tərlan Əhmədov, Mahmud Qurbanov, Elmar Baxşıyev və Füzuli Məmmədovdur. Sözügedən mütəxəssislər arasında seçim aparan klub rəhbərliyi artıq böyük ölçüdə qərarını verib. Sport24.az-ın əldə etdiyi məlumata görə, "Araz-Naxçıvan"ın yeni baş məşqçisi Elmar Baxşıyev olacaq.

Milli komandamızın sabiq yarımmüdafiəçisi 2019-dan bəri çalışdırdığı "Qəbələ"dən fevralın son həftəsində istefa verib. Gözlənildiyi kimi, istedadlı mütəxəssisin işsiz günləri çox çəkməyib və artıq növbəti həftədən 44 yaşlı çalışdırıcı yenidən Premyer Liqada iş başında olacaq.