Azərbaycanın daha bir qadın güləşçisi Mariya Stadnik (50 kq) Paris-2024 Yay Olimpiya Oyunlarına lisenziya qazana bilməyib.

Prosport.Az xəbər verir ki, 35 yaşlı idmançı Bakıda keçirilən Avropa Olimpiya Təsnifat Turnirinin yarımfinalında məğlub olub.

Mariya Stadnik Olimpiadaya lisenziya yolunda ötənilki Avropa çempionatının finalında (9:4), builki qitə birinciliyinin yarımfinalında (6:0) məğlub etdiyi həmyerlisi, ukraynalı Oksana Livaça uduzub. 26 yaşlı Dünya mükafatçısı və Avropa çempionu olmuş Livaç son 5 saniyədə 0:2 uduzduğu Stadnikin belini döşəyə sıxaraq ona tuşe ilə qalib gəlib.

Qeyd edək ki, daha əvvəl Elnurə Məmmədova (53 kq), Jalə Əliyeva (57 kq), Birgül Soltanova (62 kq) və Elis Manolova (68 kq) təsnifat mərhələsində məğlub olaraq mübarizəni dayandırıblar.

12:50

Azərbaycanın qadın güləşçisi Mariya Stadnik Bakıda keçirilən Avropa Olimpiya Təsnifat Turnirində uğurlu start götürüb.

Prosport.Az xəbər verir ki, 50 kq çəki dərəcəsində mübarizə aparan titullu idmançı 1/4 final mərhələsini asanlıqla keçib.

Dördqat olimpiya mükafatçısı, onqat Avropa və ikiqat dünya çempionumuz litvalı Qabiya Dilite üzərində 10:0 hesablı qələbə qazanıb. Bununla Stadnik yarımfinala yüksəlib.

Qeyd edək ki, daha əvvəl Elnurə Məmmədova (53 kq), Birgül Soltanova (62 kq) və Elis Manolova (68 kq)  təsnifat mərhələsində, Jalə Əliyeva (57 kq) isə 1/4 finalda məğlub olaraq mübarizəni dayandırıblar.