Azərbaycanın yunan-Roma güləşçisi Beka Kandelaki Bakıda keçirilən Avropa Olimpiya Təsnifat turnirində Olimpiadaya lisenziya qazana bilməyib.

Prosport.Az xəbər verir ki, 130 kq çəki dərəcəsində yer alan idmançı yarımfinalda rusiyalı olimpiya mükafatçısı, dünya və Avropa çempionu Sergey Semyonovla (AİN) üz-üzə gəlib.

Gürcü legionerimiz rəqibinə 0:9 hesabı ilə uduzub. Nəticədə Sergey Semyonov Paris-2024 Yay Olimpiya Oyunlarına lisenziya qazanıb.

17:00

Bakıda keçirilən Avropa Olimpiya Təsnifat Turnirinə start verilib.

Prosport.Az xəbər verir ki, yarışın ilk günündə yunan-Roma güləşçiləri mübarizəyə başlayıblar.

Azərbaycan millisinin 4 “klassik”i xalça üzərinə çıxıb. Onlardan yalnız biri – Beka Kandelaki (130 kq) 2 qələbə ilə yarımfinala yüksəlib. O, Paris-2024 Yay Olimpiya Oyunlarına vəsiqə verən finala yüksəlmək üçün həlledici qarşılaşmaya çıxacaq. Digər güləşçilərimizdən İslam Abbasov (87 kq) 1/8, Nihat Məmmədli (60 kq) və Murad Əhmədiyev (97 kq) 1/4 finalda mübarizəni dayandırıb.